How did Belisha touch you?

ለምወድሽና ለማከብርሽ ውዷ እህቴ፣ ጓደኛዬ፣ ዘመዴ፣ ቤተሰቤ ሁሉ ነገሬ በልሻዬ እንዴት ነሽልኝ? እኔ ሁሌም ትናፍቂኛለሽ፣ ጓደኞችሽንና የሚያውቅሽን ሁሉ ባየሁ ቁጥር ትዝ ትይኛለሽ። በልሻዬ ሳቅሽ፣ ጨዋታሽ፣ ቁም ነገርሽ ሁሉም ነገር ናፈቀኝ። በልሻዬ አንድ ጥያቄ ልጠይቅሽ በጣም የምትወጂው የምትሳሺለት ውዱ ባለቤትሽ አብሻን እና ሁሌ አዉርተሽ የማትጠግቢያቸውን ልጆችሽን እንዴት አመንሻቸው እንዴትስ አስቻለሽ? እንዴት ቻልሽው?
በልሻዬን የማውቃት የዛሬ 16 ዓመት ነው። ከተዋወቅን ጀምሮ እህቷ ነኝ እህቴ ነች ቅርበታችንም እንደዛው ለሰው ስታስተዋውቀኝ እህቴ ናት ብላ ነው የምታስተዋውቀኝ እኔም እንደዛው። በጣም ብዙ ነገር እናወራለን እንስቃለን ቁም ነገርም ከተጀመረ እንደዚያው በጣም ጨዋታ ታውቃለች፤ ለሁሉም እንደ አቅሙ መጥና ታቀርባለች። በልሻዬ ልዩ ነች። የሰው ደስታ በጣም ያስደስታታል። አንቺን ማጣት በጣም ከባድ ቢሆንም ግን የእሱ ፈቃድ ስለሆነ ተቀበልነው። ሰርጋችንም በአንድ አመት ነበር። ድጅ እና አብሻ አንድ አካባቢ ይኖሩ ስለነበር ሁሌ ቤታቸው እንደጋበዙን ነው። ሁሌም መገናኛችን እነ በልሻዬ ቤት ነበር። ኢትዮጵያም እያሉ ቤታቸው የሁሉ መሰብሰቢያ የሁሉ መጠጊያ የአብርሃም ቤት ነበር። እዚህም ሲመጡ ያንኑ ይዘው ነው የመጡት።
በልሻዬን ካወኳት ጀምሮ በጣም የዋህ፣ ደግ፣ ሰውን በጣም አክባሪ ነበረች። ወደዚህ አገር የት/ት እድል አግኝታ ስትመጣ በጣም እጨነቅ ነበር። አብሻን በጣም ስለምትወደው ተለያይተው አንድ ቀንም ታድራለች ብዬ አስቤ አላውቅም ነበር ግን በጣም መልካም ሰው ስለሆነች ውድ ባለቤቷንም ቶሎ አጠገቧ አደረገላት እኔም በመለያየታችን በጣም ባዝንም አንድ ቀን እንደማገኛት ተስፋ ነበረኝ በልሻዬንና አብሻን በጣም ከመውደዴ የተነሳ ወደዚህ ሀገር ለመምጣት ዲቪ እንኳን አምልጦኝ አያውቅም ነበር። ደጅ ወዲዚህ አገር ለመምጣት ቪዛ ማግኘቱን ለነበልሻ ስንነግራቸው “ደጅ በል ወለም ዘለም የለም እኛ ጋር ከች ነው።” ሲሉን መቼም የማልረሳው ደስታ ነበር የተሰማኝ፤ እነበልሻዬን በድጋሚ የማግኘት ምኞቴም እግዚአብሔር ፈቅዶ ተሳካልኝና እኔም ቶሎ መጣሁ።
እዚህ አገር ከመጣሁ በኋላ ቅዳሜና እሁድ አነ በልሻዬ ጋር ነን ሁሌ ተደስተን ነው ወደቤታችን የምንመለሰው። ለበዓልም አብረን ነው የመናሳልፈው። ከተገናኘን ቶሎ መለያየት አይታሰብም። ለበዓል እንዲሁ ለመጠየቅ ስንሄድ ወደ እናትና አባቴን ለማየት እንደምሄድ ነው የሚሰማኝ። በልሻዬ የምወደውንና የማልወደውን ታውቃለች ለሌላሰው እንኳን ባያስፈልግ ለእኔ ብቻ ሲባል ዶሮ ይሰራል፤ ሁሉን እንደጸባዬ ነው የምትሆንልኝ።
በልሻዬ ሳቅሽ፣ ጨዋታሽ፣ ምክርሽ ቁምነገርሽ ናፈቀኝ። በልሻዬ ለኔ አንድ ሰው ሳትሆን ሁሉ ነገሬ ነበረች። ስለ ልጆቻችን፣ ስለ ህወታችን ባጠቃላይ ስለሁሉም ነገር የምናወራው ምክሯ ከአእምሮዬ አይጠፋም። ህመሙ ከተከሰተ በኋላም ህመሟን በውስጧ ነው፤ ሰውን ማስጨነቅ አትፈልግም እርሷ ግን በህመም ውስጥ ሆናም ለሰው ትጨነቃለች ሰው ፈገግታዋን እንጂ ህመሟን አያይም። አንድ ቀን እኛ ቤት መጥታ ትንሽ ላወራት እድሉን ሳገኝ በልሻዬ እንዴት ነሽ አሁን የእኛ ነገር ሁሌ መሳቅ ብቻ ነው ስላት ሳቅ አለችና “እግዚአብሔር ይመስገን ዛሬ መድሃኒቴን የምጨርስበት ቀን ነው በጣም ደስ ብሎኛል። ብርሽዬ በህይወትሽ ደስታም ሃዘንም ይኖራል ሁሉንም እንደ አመጣጡ ጠንካራ ሆነሽ ማለፍ አለብሽ እኔ እዚህ አገር ከመጣሁኝ በኋላ ወንድሜን በሞት አጥቻለሁ በወቅቱ በጣም ነው የተጎዳሁት ግን አለፈ ብዙ ነገር አስተምሮኛል ይሄም ህመም ሲመጣ ያልፋል ተመስገን ብርሽዬ” አለቺኝ። እኔም በልሻዬ አንቺ ጠንካራ ስለሆንሽ የእግዚአብሔር በረከት አልተለየሺም አልኳት። የዛን ቀን አሁን መድሃኒቴን ከጨረስኩ ስፖርቴን እጀምራለሁኝ አለችኝ። የማልረሳው ቀን።
ስንደዋወል ሁሌም በልሻዬ ስላት “ወዬ ብርሽዬ ነፍስ ልክተትሽ በኪሴ” ነው መልሷ በየትኛው ስላት በሁሉም ትለኛለች፤ በልሻዬ እንደዚያ ናት ስትወድ ሁለመናዋን ነው የምሰጠው። በልሻዬ አንቺን መርሳት ከባድ ነው። እስካሁን ደረስ ያለሽ ያለሽ ይመስለኛል፤ መሄድሽን ተቀበልኩት እንጂ ውስጤ አላመነውም። እንዴት ብዬ ልመነው? ሁሌም እወድሻለሁ አከብርሻለሁ በልሻዬ የኔ ቆንጆ።
በልሻዬ ስትፈጠር ልዩ ሆና ነው የተፈጠረችው። ደግነቷ፣ የኋህነቷ ለሰው የምትሰጠው ፍቅር ወደር የለውም። ሳውቃት አንድም ቀን፤ በህመም ውስጥ ሆና እንኳን ተከፍታ ወይም ዝም ብላ አይቻት አላውቅም በልሻዬ እንደዚያ ናት በእርሷ ዘንድ ለሰው መልካም እንጂ ሌላ ነገር አይገኝም።
በልሻዬ የኔ ቆንጆ፣ የኔ ደግ፣ የኔ አዛኝ፣ የኔ ሩህሩህ እግዚአብሔር ነብስሽን ከደጋጎቹ አባቶቻችን ከቅዱሳን ከጻድቃን ሰማዕታት ጋር የኑርልኝ።
አሜን።
አብሻዬ ያደረከው ነገር ሁሉ በጣም ደስ የሚል እሷም ደስ የሚላት ነገር ስለሆነ አንተን እጅጉን አመሰግናለሁ፤ አከብርሃለሁ። የተጀመረው የበልሻዬ ፋውንዴሽን ወደፊት አድጎና ትልቅ ደረጃ ደርሶ አንተም የምትመሰገንበት ነው። አንተ በርትተህ ስላበረታሃን እናመሰግናለን። ያንተ መጠንከር የለጆችህም የኛም ብርታት ነው። እግዚአብሔር ብርታቱንና ጥንካሬውን ያድልህ፤ በርታልን እንወድሃለን፤ እናከብርሃለን አብሻዬ የኔ ወንድም።
አሜን።

እኔ በልሻዬን በቃላት መግለጽ ባልችልም ለቤተሰብ ያላት ጥልቅ ፍቅር እና ለሰው ሁሉ ያላት ፍጹም ፍቅር በጣም የሚገርም ነበር፤ እሷን ለየት የሚያደርጋት ነገር ጥንካሬዋ ለሁሉ ምሳሌ ነበር ለምታውቀው ሁሉ የምትመኘው ከስዋ የተሻለ ሌሎችን ለማበርታት እኔ የሰራሁትን አንተ አያቅትህም ትል ነበር፤ ደግነትዋ የምር ነበር እቤት ስንሄድ ሁሌም ወደ በር መጥታ ነበር የምትቀበለን ሁሌም በጫወታ እያዋዛች ሰውን ትመክር ነበር ። ሌላ ነገር ደግሞ የእምነት ጥንካሬዋ እና በእግዚዓብሄር ላይ ያላት ፍጹም እምነት በጣም የተለየ ነበር፣ በጠና ታማ እንኳን ታመሰግን ነበር ፤ በልሻዬ በማንም በፍጹም ሊተካ የማይችል ጉድለት ጥላብን ሄዳለች፣ በቃ ከሷ ውጪ ማንም ሊሞላው የማይችለው -ለሷ ብቻ የተሰጣት ልዩ ስጦታ ነበራት። ይሀው ቤት በሄድኩኝ ቁጥር ያንን ከውስጥ የመነጨ ልዩ ፈገግታ እየናፍቅኩ ቤት ደርሼ እመለሳለሁ፣ የበልሻ ነገር ቢፃፍ ኣያልቅም። እግዚዓብሄር የወደደውን አደረገ፤ ነፍስሽን በገነት ያኑርልን፤ እንወድሻለን ።

I still can't believe that you really are gone my dear sister. Belsha ጓደኛዬ ብቻ ሳትሆን እህቴ፣እናቴ፣መካሪዬ፣አሳቢዬ፣ተንከባካቢዬ፣ሙሽራዬ ናት።ከ elementary school ጀምሮ high-school GCA የበለጠ ደግሞ Mekelle University
ያላት የትምህርት ትጋት በተለይ Math ላይ ያላት ፍቅር አይረሳኝም ።በተለይ በጊቢ በቆይታችን ሁሉ ነገሬ ነበረች።እናቴ ነበረች።ከራበኝ አብልታ፣ከተጨነኩ አረጋግታ ብቻ ያንን ጊዜ ያለፍኩት Belsha በመኖሯ ነው።
ከሁሉም የሚገርመኝ 3rd Year እያለን አልጋዋን ያለስስት ሰታኝ without any complain አጋርታኝ 1አመት ሙሉ ራስጌ እና ግርጌ ነበር የምናድረው።በእውነት ይህንን በልሻ ባትሆን ማን ያደርጋል ።
ደግሞ ሌላ የሚገርመኝ የሰው ሁሉ ችግር እንደራስዋ የሚያሳስባት ናት።ባላት አቅም ሁሉ መፍትሄ ለማምጣት ወደ ኋላ አትልሞ።ሰውን ማረጋጋት ስትችልበት። ይገርመኛል ጊቢ እያለን በሆነ ነገር ተጨንቄ ለበልሻ ካወራኋት እንዴት እንደሆነ አላውቅም ከአፍታ በኋላ እራሴን እየሳኩ ነው የማገኘው።
ከሰው ሁሉ ጋር ያላት መግባባት ይገርመኛል።በልሻ ጋር ይሄኛው እንዲህ ነው ያኛው እንዲያ ነው ብላ የምታገለው ሰው የለም።ከሁሉም ተግባብታ፣ በፈገግታ ተሞልታ ፈገግታዋን ታጋባለች።
ሁሌም ጠንካራ ሰራተኛ ናት። ትምህርት ላይ፣ትጋት ላይ ቀልድ የለም። ሀይማኖት ፣አገልግሎት ለበልሻ ሕይወቷ ነው። የበልሻ ጓደኛ ሆኖ እለት እለት በቤተክርስቲያን አፀድ ያለመገኘት፣ጉባኤ፣ፅዋ፣ ፀሎት ያለመሳተፍ የማይታሰብ ነው።የፈተና ወቅት ሆኖ እንኳን ብንጨናነቅ በልሻ የተሻለውን መፍትሔ ታመጣለች። cafe or library ስንሄድ ነጠላችንን ይዘን ሄደን በዛው ወደ ቤተክርስቲያን መሄድ ወይም ብቻ የሆነ ሀሳብ።እንጂ ምከንያት እየደረደሩ ከደጀ ሰላሙ ማፈግፈግ የለም።
አገልግሎት ሕይወቷ ነው። በጎ አድራጎት ክፍል እውነትም ከእርሷ ጋር የሚሄድ የአገልግሎት ክፍል ነበር።ሁሌም ሰውን ማገዝና ማገልገል ደስታዋ ስለነበር።ይገርመኛል ከተማ ያለ የሆነ ቤተክርስቲያን ሄደወ፣ደጀሰላሙን ጠርገው፣አልባሳት አጥበው ሲመጡ የነበራት ወሰን የለሽ ደስታ ይሄ ነው አይባልም።
ከሀገር ከወጣችም በኋላ የሰው ነገር አይሆንላትሞ።

ስለሁላችንም ትጨነቃለች ።
ብቻ ስለበልሻ ተነስቶ በዚች ቃል ብቻ ተገልጾ ሊያልቅ አይቻልም።
ሁሌም እወድሻለሁ ።ሀዘንሽ እጅግ አስደንጋጭ ነው።ህመምሽን እንኳን ሳናውቅልሽ። ከሳምንት በፊት ነበረ መታመምሽን ያወኩት።በጣም ያስደነግጥ ነበር።በንጋታው አቡነ እጨጌ ዮሀንስ የአመት ንግሳቸው ነበርና ታምራታቸውን ስለሰማሁ ሄጄ ተማፀንኳቸው እንዲዳስሱሽ።
ብቻ ሁሉም የፈጣሪ ፍቃድ ነው። ምን እንላለን።
አስታውሳለሁ ከአቤ ጋር ከመጋባታችሁ በፊት በጓደኝነት አንድ ቀን ስትነግሪኝ አብረን ውለን ነገ እንደምንገናኝ እያወኩ እራሱ ቅድስተ ማርያም ጋር ቻዎ ስንባባል አይኔ በእንባ ይሞላል የሁለታችንም ትይ ነበር በናፍቆት።በጣም የሚገርም ፍቅር ነው።
እናም አቤ ሀዘኑ ላንተም ለሁላችንም ከባድ ነው።ነገርግን Belsha foundation መቋቋሙ መፅናኛችን ነው። በቻልነው ሁሉ ለመደገፍ ከጎንህ ነን።
ለአቤ & for the beautiful angels ለመላዉ ቤተሰብ፣ወዳጅ፣ዘመድ፣ጓደኛ ለሁላችንም እግዚአብሔር መጽናናትን ይስጥ፣የእህታችንን ነብስ ከደጋጎቹ ጋር ያሳርፍልን። አሜን!!!

Let’s say my mom is carrying some candy in her hands. You walk past her, and glance at the candy for one second. When she sees you looking at her candy, instead of saying, “it’s mine” or “You can only have a little”, she asks you, “do you want it?”, and she hands you everything that was in her hands. That’s the type of person she was.

My mom was a very smart, beautiful, social, and kind human being. I’ve looked up to her and my dad, proud to have a mom like her. Some people at school or church would sometimes complain a little about how strict their mom was, and I would always brag, saying I had an easygoing mom.

She was so good with people. She meets strangers at work, at the mall, on the road, it doesn’t matter, but she would get them laughing in minutes. She would also get my friends to play games with her, which was really hard. I remember, there was a party, and her legs started hurting, so she decided not to go. I was tired, so I decided not to go either. My mom probably got 30 phone calls in just the first ten minutes. All her friends were asking her, where are you? Why aren’t you coming, I can give you a ride if you don’t have one. By the end of the hour, me and my mom were already at the party, and you could hear the adults laughing at my mom’s jokes from the basement.

My mom was also super smart. She would always make me sit with her and practice math. I would always get annoyed at the time, but I’m so thankful now. She had a very good memory. My dad told me how they went to have lunch with some old friends, and my mom brought some formula she learned back in high school. My dad and their friends had no idea what she was talking about, as they barely remembered what they learned in college. She also remembers the whole periodic table from seventh grade, which she taught me, and I forgot by the end of the week.

She always thought about us. Her friends, her kids, her family in Ethiopia. My aunt needed money to start a business, and my mom sent her money for it, even when she was sick. Every time she was in pain, or when she was tired, she would never show it until we were out of the room, thinking about us. Whenever her friends came to visit, she would talk and laugh with them, even when she didn’t feel like it.

My mom was an amazing person that everyone loved and we’ll all miss, but it’s better to know that she’s not suffering anymore and she’s in a better place. Mommy, I love you so much, and I promise I will try to be just as hard-working as you. May you rest in peace and love.

በልሻን በወንድሜ በአቤ በኩል ካወቅሗት ብዙ አመታት ሆነዋል። እጅግ ግሩም እህቴ እንዲሁም እጅግ ግሩም የጆቼ ክርስትና እናት ነች። በልሻ ከልጅ እስከ አዋቂ፥ ከሴት እስከ ወንድ፥ ከዘመድ እስከ ባእድ፥ ከሁሉ ጋር መሳቅ መጫወት መለገስ ማብላት ማጠጣት ነው ስራዋ። ንፍገት ብሎ ነገር አልፈጠረባትም። ከልጆቼ ጋር (የሷ ክርስትና ልጆቿ) ጋር ለሰዓታት በጨዋታ እያዋዛች ስለህይወት፥ ስለሃይማኖት፥ ስለ አለማዊ ት/ት፥ ታስተምራቸው ነበር።
ባወቅሗት ዓመታት ሁሉ በልሻን ስትስቅ ፥ ስትጫዎት፥ ስትለግስ ነው የማውቃት። ሆስፒታል እንኳን ሆና በነዛ ከባድ ሰዓታት ለደቂቃም ሳቅና ጨዋታ ተለይቷት አላየሁም። ከባድ ህመምን ችሎ፥ በዚህ አለም ያለ ቆይታ እንዳለቀ ተነግሮ በተለይ ከወለዷቸው ልጆችና ከሚወዱት የትዳር አጋር ጋር ለመጨረሻ መለያያ ጊዜ እንደደረሰ እያወቁ እንዴት መሳቅ መጫወት ይቻላል?!! ይገርማል። በልሻ ግን ታደርገው ነበር። ልዩ ተሰጥኦ። እህቴን በልሻን ካወቅሗት ጀምሮ ሁለት ጊዘያት ብቻ ሳቅና ጨዋታዋን አላየሗቸውም፥ ፩ኛ) ለመጨረሽ ጊዜ በስልክ ያወራሗት ቀን። በዚች እለት በልሻየ እንዴት ነሽ? ስላት እንደወትሮው ሰላም ነኝ ሄንዬ ትለኛለች ብዬ ስጠብቅ ከእህቴ የሰማሁት መልስ ግን “ሄንዬ አሁንስ አቃተኝ” የሚል ነበር። አንዳች መብረቅ እንደመታው ደነገጥሁ። ምንም መመለስ አልቻልኩም ስልኩን ዘጋሁት። ሰውነቴ ተብረከረከ። ሰውመሆኔን ጠላሁት ምክንያቱም እህቴ በዚህ ሁኔታ ሆና ምንም መርዳት ባለመቻሌ። ፪ኛ) በልሻ አምርራለች:: “አቃተኝ” የሚለውን ቃል እንኳን መናገር አቁማ የዚች አለም ጉዞዋን ጨርሳ ለስንብት መድረክ ላይ ሆና ያየሗት ዕለት ነበር። በሌ እነዚህ ሶስት የህይወትሽ ጊዜያት እስከ ሂዎቴ ፍጻሜ አብረውኝ ይኖራሉ። ውድ እህቴ በሰላም እረፊልኝ። ለልጆችሽ፥ ለአብሻ፥ ለመላው ዘመዶችሽ ሁሉ ፍጹም መጽናናትን ይስጥልን።

መልካም ስም እና ምግባር አይሞትምም አብሮ አይቀበርምም ግና ከትውልድ ወደ ትውልድ በመልካም አረአያነት ይተላለፋል ። በልሻ ምንኛ የታደለች ሰው ናት ግን? ሞትማ የተራ ጉዳይ እንጂ የማይቀርልን ሃቅ ነው። አፋቸውን ካልፈቱ ህፃናት እስከ አረጋዊያን መልካምነቷን: ሰው ወዳድነቷን:ለጋስነቷን አለማጋነን ከልባቸው በዕንባ ሲገልፁ ከአገር ቤት እስከ አሜሪካ ማየት ምንኛ ያስደስታልም ያስቀናልም ይሄ ምስክርነት ደሞ ዝም ብሎ አልተገኘም በዚህ አጭር ዘመኗ ኖራው ስላሳየችው ነው ። በልሻ በአካል ብትለይም በስራዋ ህያው ሁና ሁሌ ትዘከራለች ፋውንዴሽኑም የሷን ህልሟን ከግብ እንደሚያደርስ ተስፋ እናረጋለን። እኔ ሳቃት ወደ 17 አመት አከባቢ ይሆነኛል በዛ ዕድሜዋ እንኳን ከመጀመርያውም በጣም አስተዋይ እና ጥበበኛ ለባሏም ዘውድ የሆነች ሚስት እንደነበረች ባጭር ግዜ ካየሁት ምስክር ነኝ። ፈጣሪ ደጋጓችን ካስቀመጠበት ከቀኙ ያኑርሽ ።

በልሻዬ ስልክ ትደውልልኝና “ሄሎ ሰላሚቲ እገሌ ታሟል፤ ገንዘብ እያሰባሰብኩ ነው። ልፈልጥሽ ነው የደወልኩት” ትለኛለች። በሌላ ጊዜ ደግሞ መልክት ትፅፍልኛለች “እከሊት ለቅሶ ላይ ናት እንድረስ፤ እኔ ይሄን. . ይሄን እሰራለሁ” ትላለች። በልሻዬ ሁሉን ሰብሳቢ እና ለተቸገረ ቀድሞ ደራሽ ነበረች፡፡
በልሻ ጀግና፤ የማትበገር፤ የጀመረችውን ከግብ ሳታደርስ የማታቆም ነበረች ። One time, we had a fitbit group challenge. ሁላችንም ያቅማችንንም ያላቅማችንም ስንደክም እንውልና ውጤቱ ማታ ሲመጣ አንበሳዋ በልሻ የመጀመሪያውን ስፍራ ትይዛለች። በመጨረሻም ወንዱንም ሴቱንም በልጣ ዋንጫውን ወሰደች።
ልዑልን ስለ በልሻ ጠየኩት “በጣም ብዙ ነው... ካላሃሪ የሄድን ጊዜ ሁላችንንም ፑል መጫወት አስተማረችን። I love playing Pool because of Belisha” አለኝ።
በልሻዬ የጨዋታ ንግስት አድማቂ ነበረች ። “I always remember her laugh…” አለችኝ ሊድያ። ያሬዶም ስለበልሻ “በልሻዬ በጣም የምትመቸኝ፤ የምትቀለኝ፤ ጨዋታዋ ጥርስ የማያስከድን፤ ለቁምነገር ደግሞ ቆምጫጫ ወደኋላ የማትል፤ ትሁት እህቴ ነበረች ። እንደው ከዚህ ሁሉ ሰው እሷ ትሂድ? ... በጣም ከባድ ሃዘን ነው”
በልሻዬ እንግዳ ተቀባይ፤ ሁልጊዜም ጋባዥ ነበረች ። በጣም የሚገርመኝ የማዕድ ቤቷ ጠረጴዛ ላይ ሁልጊዜም ምግብ በሚያምሩ መሶብ ክዳኖች ተደርድሮ ይቀመጣል። ሁልጊዜም የሚበላበት የበልሻ እና የአቤ ቤት ....
በልሻዬ በመንፈሳዊ ህይወቷ ጠንካራ፤ ለልጆቿ አስተማሪ፤ ጠንካራ ሰራተኛ፤ በማህበራዊ ህይወት ቀድሞ ደራሽ፤ መልካምና የልብ ጓደኛ ነበረች ።
በልሻዬ ውዷ እህቴ፤ መልካምነትሽ፤ ቀልድሽ፤ ቁም ነገርሽ ሁልጊዜም ከኛ ጋር ይኖራል። እንወድሻለን፤ እንናፍቅሻለን። ወዳንቺ እስክንመጣ ድረስ ነፍስሽን በገነት ያኑርልን። አሜን።

በልሻን ለመጀመርያ ግዜ የማውቃት ለማስተርስ ድግሪ አብረን በተማርንበት አይዋ ስቴት ውስጥ በሚገኝ አንድ ኮለጄ ነው። ሁላችሁም እንደምታውቋት ፈገግታዋ ፤ ከፊቷ የሚታየው ደስታ እንኳን ሰውን ድንጋይንም ፈገግ ያሰኛል። ትኒሽ ግዜ ከርሷ ጋር ካሳለፉ ደግሞ ቀልዶቿን፣ ልከኛ (appropriate) ፉገራዎችን ማጣጣም የግድ ይሆናል። አሁንምኮ ቢሆነ መሰረቷ “ጨርቆሴ” ስለሆነ “አንተ ዋ! አትፎግር ጎንህን እንዳትወጋÍ” እያለችኝ ይሆናል።

የአይዋ ትምህርቴን ጨርሼ ስወጣ በ 2009 እ.አ.አ. የመጀርያው ወይ ላር የአገሪቱ ኢኮኖሚ በቁልቁለት ጉዞ ላይ ላይ ስለ ነበር እንኳን ከኮለጅ ወጥቶ ስራ መፈለግ፤ ከዶርምም መውጣት አስፈሪ ነበር። ታዲያ በዚህ ስራ ማግኘትና ማጣት ብቻ ሳይሆን አገሪቱ በሙሉ በስራ አጥረት ከመወረሩ የተነሳ ተቀባይ/አሳራፊ ያማይገኝበት ካባድ ግዜ ነበር። ታድያ ብዚህ ግዜ ነው ሌላው የበልሻን አስደናቂ ተግባር ያየሁት። ከቀሯት ጥቂት ገንዘብ ለኢንተርቪው የሚሆኑኝን ሸሚዞች ገዝታ ስርፕራይዝ አረገችኝ (ድንገቴ ፈንጠዝያ!)። ደስታዬ ስራን የሰጠችኝ ያህል ነበር።
ከዚያ በኀላ አቤና ቤልሻ አብረውን በቅርብ እዚህ ቨርጂኒያ መኖር ከጀመሩ በኃላ፤ ሁለቱም ዘወትር ለኔና ለበተሰቤ አሳቢ፣ የትዳር አማካሪ፣ የሒሳብ አያያዝ መምህር፣ የልጅ አስተዳደግ መምህር ... አረ ምኑ ከአቤና ከበሌ ያልተማርነው ምን አለ! እንዴትስ ሁሉን መዘርዘር ይቻላል፡፡

በልሻ ባአካል ከኛጋር ባለመሆና ብንናፍቃትም በመልካም ስራዎቻ እንረካለን፤ በድንቅ ትዝታዎሻ ደስ ይለናል፤ በብልህና በአስተዋይ ልጆቿ እንጸናናለን፡፡

በፍቅራቸው፣ በሰላማችው፣ በመልካም ስራቸው የሚታወሱ ሰዎች ንዑዳን ናቸው። ጠቢቡ ሰሎሞን እንዳለው “መልካም ስም ከመልካም ሽቱ ይበልጣል” እና።
የመልካም ሰዎች ትዝታቸው ሃዘንን ሳይሆን ፈገግታን፣ መልካም ስራቸው ለቅሶ ሳይሆን ደስታን ሊሰጠን ይገባል። መልካም ስም አረፍተ ዘመንን ተሻግሮ ከትውልድ ወደ ትውልድ ይሻገራልና።

ብልህ፣ አስተዋይና ጠንካራ ልጆች ስለተወችልን እነሱን ስናይ ከንፈር የምንመጥበት ሳይሆን ስለተሰጠን ስጦታ፣ ስለቀረልን በረከት የምንደሰትበትና እግዚአብሔርን የምናመሰግንበት መሆን አላበት።

በሃዘን ግዜ ምዕራባውያኑ ከሚጠቀሙባቸው አገላለጾች በከፊሉ
• We cherish your memory.
• Your memory is a treasure.
• Your love and memories walk with us every day.
• Your loving memory will never be forgotten.
• Forever in our heart, and always in our mind.

በኛ ማህበረሰብ ዘንድ ብዙ ግዜ ከሀዘናችን ማጽናናት የምንሞክረው ያጣነውን ወዳጅ ካአእምሮአችን በመፋቅ፤ ፈጽሞ ላለማስታወስ በመሞከር አስኪመስል ድረስ፤ ባይኔ ላይ ታየኝ/ታየችኝ፣ የሆነ ነገር እርሷ(ሱ)ን አስታወሰኝ፣ ከዚህ ከዛ አብረን ሄደን ነበር ወዘተ። ብለን በማስታወስ ወደልቅሶና ወደ ሀዘን የምንመለስባቻው አጋጣሚዎች ብዙ ናቸው። ስልሆነም በተቻለ መጠን የሚያስታውሱን ነገሮችን በመደበቅ ገለል በማድረግ እነርሱን በመርሳት ባለማስታወስ ልንጽናና እንሞክራለን።

እውነታው ግን የሚወዱትን ሰው፣ ከአዕምሮ ማውጣት ፈጽሞ ከባድ ስለሆነ። ትዝታቸውን ለሀዘን ፣ ትውስታቸውን ለስብራት፣ ለለቅሶ ከሚሆነን፤ አብረን ስላሳለፍናቸው መልካም ትዝታዎች እግዚአብሔርን የምናመስግንበት። ትዝታዎቹን በፈገግታ፣ ትውስታዎቹን በደስታ ተቀብለን ቀሪውን ዘመናችን የጤና የሰላም እንዲሆንልን ብናደርግ መልካም ነው።

እህታችን በሌ በአካል ካጠገባችን በመለየቷ ብንናፍቃትም በመልካም ስራዎቻ፤ በድንቅ ትዝታዎቻ፣ በተሰጡን ብልህና አስተዋይ ልጆቿ ልንጽናና መንፈሳችን ሊቃና ይገባል።
መናህየ ወመናዝዘ/አጽናኝና አረጋጊ/ መፈስ ቅዱስ ጽናቱን፣ ብርታቱን፣ መረጋጋቱን ያድለን። አሜን።

“ከመልካም ሽቱ መልካም ስም፥ ከመወለድ ቀንም የሞት ቀን ይሻላል።” መክብብ 7፥1

አንዳንዴ የምታውቁት መንፈሳዊ ቃል በመተርጉማን ሲፍታታና ሲብራራላችሁ ''አሃ'' ትላላችሁ አአአ? ከዚያ ባለፈ ቃሉን ያለ ቃል ማውጣት በህይወታቸው የሚተረጉሙ ሰዎችን የማወቅ ዕድል ሲገጥማችሁ ደግሞ ከመጽሐፍ ቅዱስ ጋር ውሎ አዳሩን አድርጎ ለሚፈልገው ሃሳብ ገላጭ ቃል እንደማይቸግረው የቃለ እግዚአብሔር ጎበዝ የጠቢቡ ሰሎሞንን ቃል ለሃሳቡ ገዝቶ “ጊዜና እድል ግን ሁሉን ይገናኛቸዋል።” መክብብ 9፥11 በማለት የዕድልና ጊዜ ኅብረት ውጤትን በዚህ ታላቅና እውነተኛ ቃል እንደሚገልጽ መጽሐፍ ቅዱስ ላይ ውዬበት ባላድርም በዚያ ሰው መንፈስ ሆኜ እኔም እንዲህ ልበል.....ስለ በልሻ እንዳወራ እንድተርክም ጊዜና ዕድል አገናኙኝ።

በልቤ የማከብረው ወዳጄ ከዕለታት በአንዱ (ጠቢቡ ሰለሞን ''ጊዜ'' ብሎ ባመለከተው) ቀን ላይ ወደ አረፋፋዱ ደወለልኝና ለቅሶ ገጥሞኝ ወደ አሜሪካ ልሄድ ነው ሲለኝ ያለሁበትን ኑሮ አስታውሼ እኛ አልቅሰን ያልተሳካልንን ለለቅሶ አሜሪካ ትለኛለህ እንዴ ብዬ ትክክልን ስቼ ስህተትን አልሳትኩ። ያለ ማቋረጥ በደ አምሳ ደቂቃ በማያንስ መልኩ የማያጥረውን ደግነት እጅግ በማሳጠር ስለ አንዲት ሴት ነገረኝ። ባልጨረሰው እያልኩ ቆይ አንዴ መልሼ ልደውል አለኝ። ምን እንደገጠመው ባላውቅም በዝምታ ስልኩን ዘጋሁት....መልሶ ሲደውል አንድ ጥያቄ ብቻ ጠየኩት....ከነገርከኝ ታሪክ አንጻር እኔ ለምን ተፈለኩኝ? እሱም ሁለት ምላሽ ሰጠኝ

አስቀድሜ የወይዘሮ በለጠች ሞላ (በልሻዬ) የአርባ ቀን መታሰቢያ በተስፋ አዲስ ካንሰር ህሙማን ማዕከል እንዳዘጋጅና እንንዳስተባብር ቀጥሎም የእርሷን ህይወት በአጭር ዘጋቢ ፊልም እንድሠራ......ቀጭን ግን ከባድ ትዕዛዝ...

የአርባ ቀኑ እንኳን ብዙም አይቸግረኝም። በብዙ ልምድ ያካበትኩት ችሎታ አለኝ ብዬ ተንቀባረርኩ። ነገር ግን አልኩት ለጆኒ ላንተ ባሳየችህ ጥቂት በጎነቷ እንኳ ያለማቋረጥ በሰዓታት የምትተርክላትን ሴት ከ20 ደቂቃ ባነሰ ሊያውም የሕይወት ጉዞዋን የሚዳስስ ዘጋቢ ፊልም እንዴት ነው የማዘጋጀው?

....የእርሱ መልስ ደግሞ ጥቅልል ያለ ነበር። ''አላውቅልህም'' ብቻ እኔ የማውቀው በቶሎ ዘጋቢው ፊልም እንደሚፈለግ ነው አለኝ።

አያ ሙሌ ትዝ አለኝ። አያ ሙሌማ ገጣሚ ሙሉጌታ ተስፋዬ ነው። ''ከሚያዝኑ ጋር ማዘን ከቻልክ ስለ ሐዘን ትጽፋለህ ስለ ማዘናቸውም ትገጥማለህ። እንዲሁ ደስ ከሚላቸው ጋር ደስ ካለህ ከእነርሱ በላይ ደስታውን ታብራራለህ'' ብሎ ነበር። በአያ ሙሌ በመጀመሪያው ምሳሌ ተስማምቼ ካዘኑት ይልቁንም በደረሱኝ መረጃዎች ኃዘናቸውን መግለጫ ቃል ከጠበባቸው ጋር ራሴን በማጠጋጋት ነገረ ስለ በልሻ መጻፍ የጀመርኩ። በዚህም ጠቢቡ ዕድል ያለው በእኔ ዘንድ ተፈፀመ። የእድለኛን ሰው ታሪክ መዘገብ ከዕድሉ ተካፍሎ ዕድለኛ መሆን ነው።

ለዝግጅት የሚረዳኝን መረጃዎችን ከአቶ ጆኒ ግርማና ዶክተር ሙላት በበቂ ሁኔታ ላግኝ እንጂ ወደ ጨርቆስ (የትዝታዋ መንደር) ጎራ ብዬ ከሚወዷት ከነ ቤተልሄም ምስጋናው (ከሚዜዎቿ አንዷ በሆነችው) እንዲሁም በውልደ ሰማዕት ሰንበት ትምሕርት ቤት አባላት ፣ በጊዜዋ ከሚያውቋት ጋር ስለ እርሷ አጠያይቄ ነበር። ሁሉም ስለ በጎነቷ ተረኩልኝ። አረ ቀን እንኳ ብርሃንና ጨለማ አለው። እንደው የጨለመችባቸው የሉም? ብላቸው አማርኛቸው ይለያያል እንጂ ሀሳባቸው ሲጨመቅ መልሳቸው ''ጨለማ ከብርሃን ኅብረት የለውም'' የሚል ነው። እንዴት ሁሉንም በብርሃኗ ተዋወቀቻቸው??? እኔ እንጃ።
እኔን ግን ከዕረፍቷ በኋላ ባለ ብርሃናማ በጎ ስሟ ምስክርነት ባለችበት ሆና ተዋውቃኛለች። እኔም ባለችበት እንደሆነች ተዋውቄአታለው።

መጽሐፍ ''ከመልካም ሽቱ መልካም ስም፥ ከመወለድ ቀንም የሞት ቀን ይሻላል።” መክብብ 7፥1 ብሎ የተናገረውን ለእኔና ለሚመስሉኝ እንድንረዳው መተርጉማኑ እንዲህ ብለው ተርጉመውታል .... ''የመልካም ሽቶ በጎ መዓዛ ርቆ እንደሚሸት የመልካም ስም እንዲሁ ርቆ ያውዳል'' ይላሉ። ጠይቁኝ ልመስክርላችሁ። ለምሳሌ የማቀርብላችሁ ግን በልሻን ነው። እንኳን በቁሟ የተዋወቋትን በሞቷ የተዋወቀችንን እኔን መሰሎች የሚማርክ አኗኗር ኖራ ማለፏን በብዙ ምስክሮች ተረጋግጧል።

ለዘጋቢ ፊልሙ አስፈላጊ ዶክመንቶች ተልከውልኝ የሚያውቋትም ተርከውልኝ ስለ እርሷ ስረዳ ወንድሜ ጆኒን ''ለለቅሶ አሜሪካ ድረስ?'' ባልኩት ምፀታዊ ቃል ራሴን ወቅሼ ለእንዲ ያለች አብረቅራቂ ሴት ለሽኝቷ አሜሪካ መሄድ አይደለም ቢቻል ኖሮ ያለን ከፍሎ በሰማይ በሚደረገው አቀባበል ላይም መሳተፍ ያስመኛል። ብዙ የሚነገርላት ሴት መሆኗን ብረዳም ላጠቃለው።

ቤተ ክርስቲያን ለልጆቿ የምትመርቀውን ከኅብረቷም አንዷ ለሆነችው ለበሌ በነጠላ እንዲህ ልመርቃት። የምታውቋት በነገርኳችሁም ያወቃችኋት አሜን በሉልኝ።

አጭር ምኞቴ ለክርስትና እህቴ

በዚህ ምድር እንዳውቅሽ ተመኝቼ ምኞቴ ባይሳካም እንደ ክርስትና እምነት ተከታይነቴ አንቺን በሰማይ እንዲያገናኘኝ ይህን በጻፍኩበት ቀን በፀሎቴ ተመኝቻለው። እግዚአብሔር ሁሉን አድራጊ ነው። ጠይቁኝ ብሏልና ጠይቄዋለው። በዚህም በስሟ በሚቋቋመው በጎ አድራጎት ላይ ለመሳተፍ እንኳን እርሷን ማወቅ ስለ እርሷ ማወቅ በቂ መሆኑን አረጋግጫለው።

ሃሳቤን ሳልዘጋ ከቤተ- ክርስቲያን አንዱ የሆንኩት እኔ ከቤተ ክርስቲያን አንዷ ለሆንሽው በልሻዬ በቤተ ክርስቲያን ቃል እንዲህ እያልኩ ልመርቅሽ....

አንቺ ከክርስቲያን ወገን የሆንሽ ሆይ በክርስቲያን ኅብረት እንዳልጎደልሽ ከቤተ ክርስቲያን እንዳለመጥፋትሽ ክብርት በምትሆን በደብረ ፅዮንና በሰማይ ባለች ነፃ በምታወጣ በኢየሩሳሌም ከሚሰበሰቡት ብዙኃን አንዷ አድርጎ አብሮ ይሰብስብሽ። በሕይወትሽ የእመቤታችን ቅድስት ድንግል ማርያም ማኅሌት ፣ ውዳሴ ፣ ቅዳሴና ዝማሬ በፍቅር እንደምትሰሚ ከጣዕሙ ብዛት አጥንትን የሚያለመልመውን የመላዕክትን ዝማሬ ያሰማሽ። የእሳት ነበልባል ድንኳኖች ወደ ተተከሉበት የካህናት አለቃ (ኢየሱስ ክርስቶስ) ወዳለበት ያግባሽ። ንፁሕ አክሊሉን ያድርግልሽ። ብሩህ ልብሱንም ያጎናጽፍሽ። የቅዱሳን ማኅበር ወዳለበት ያግባሽ። ያስተማሩ የሐዋርያትም ማኅበር ድል የነሱ የሰማዕታትም ማኅበር (ከሰማዕቱ ቂርቆስ ከቅዱሳኑም ጋር) ብሩካን የሚሆኑ የጻድቃንም ማኅበር የተሾሙ የካህናት ማኅበር ትጉሃን የሚሆኑ የመላዕክትም ማኅበር ፍፁማን ደናግልና የመነኮሳት ማኅበር ወዳለበት ያግባሽ። ከሁሉ በላይ ከሆነች ከአንዲት ቤተ ክርስቲያን ፍፁም አንድነቷ ሁሉ ጋራ ከነርሱም ጋራ ታቦር ዘዶር ወዳለችበት ይህችውም እመቤታችን ቅድስት ድንግል ማርያም ባለችበት ነፍስሽን በሰላም ያሳርፈረልን።

በሰላም እረፊ የብዙኆች ሰላም።
ዲያቆን አሳምነው ዳዲ