እኔ ነበርኩ ሞኝዋ በፍጹም ያልቅብኩ
ሞትሽን ላልሰማ ጆሮዬን የደፈንኩ
ብርታትሽን ሳየው ተስፋ ማድረግ መረጥኩ
ይዄ ማ በፍጽም አይሆንም እያልኩ
ከ አምላኬ ጋር ክርክር የገጥምኩ
የማተርፍ መስሎኝ ለአባቶች እየነገርኩ
በየደብሩ ዙሬ በስምሽ ያስጸለይኩ
ጨካኙ እንደመጣ እኔ መች አወቅኩ
ብለሽ እኮ ነበር ጌታ አይሳሳት
የፈቀደው ሊሆን ለሴኮንድ አያልፍበት
መረጥሽ ውይ በልሻ ያቺን ቀንና ሰዓት።
ለእኔ ባይፈቅድ አምላክ ባልበቃ ለሽኝት
በሰልስቱ መጣሁ ተገኝሁኝ ከቤት
ፎቶሽ በአግርሞት እያየኝ በትዝብት
የሚለኝ መስለኝ አይ ያገር ልጅ ጎረቤት
ለአንድ ቀን ያልሆንሽ ለመጨረሻ ሽኝት
ሊያብሰለስለኝ ብሎ በሃዘን በቁጭት
ጨዋታ አዋቂ ፍልቅልቅ ያልሽ እህት
ያለሽን አካፍይ ለሌላው ማጋራት
የወንጌሉንም ቃል የኖርሽው በትጋት
ፍጽም አይረሳም በልሻ ያንቺማ ደግነት
ልናገር በጥቂት የሰማሁትን
ሃገር ቤት ሂጄ ያጫወቱኝን
እናሽ “ቦቡሻ” ደግኮ ነበረች ብለው ሲጀምሩ
ተስፋ የሆንሻቸዉ በቦታው ነበሩ
አልብሰሽ አጉርሰሽ የምታስተምሪያቼው
አልሸሸጉም ፍጹም የረዳሻቼው
ይመሰክሩ ነበር እንባ እያነቃቸው
እናቶችም አሉ ደጉመሽ ያስታመምሽያቸው
አለኝታ መመኪያ መኩሪያ የሆንሻቸው
ያንችን እረፍት ዜና ማመን ያቃታቸው
የጨርቆስ ነዋር ልጅ አዋቂ ያለቀሰው
ሞት አዲስ ሳይሆን በመልካምነሽ ነው
አንቺ የመርሶ ፈርት ጭዋታ አዋቂ
በቀልድ እያዋዛሽ ስብስብ አድማቂ
ተረባሽ ወግሽ ሁሉም ትናፍቂ
በቁምነገርሽም ሃዘንን አባራሪ ደስታን ፈንጣቂ
የእኔ እ፟ማ፟_መላ ጠንካራዋ እህት
ለሰፈር ተምሳሌት የልጆቻችን እናት
ሁሌም ትወሽያለሽ በመርሶ ህብርት
በልሻ እህቴ እንውያይ እስቲ ስለ ልጆቻችን
በባእድ ሃገር ላይ ስለምያስጨንቀን
ስለሚቋጠረው ምግብ ቁርስና ምሳቸው
ይዘው ይሚሄዱት መክሰስ መቆያቸው
ርዕሳችንም ነበር ስለ እድገታቸው
በትምህርት በአስተሳስብ ስለመብሰላቸው
በዘመናዊው ትምህርት ስለመዝለቃቸው
ትይኮ ነበር ፈርሃ እግዚአብሄር እንድያድርባቸው
ዘመናዊነት ወግ ባህላቸውን እንዳያስክዳቸው
የሃይማኖቱን ትምህርት ኢትዮጵያዊነቱን መማር አለባቸው
ደግሞ በመሃል ይመጣል ቀልድና ጨዋታሽ
ቁምነገሩን ሁሉ አዋዝትሽ ተንትነሽ
ጭንቀትን አጥፍ ነሽ አስቀሽ አዝናንትሽ
ኧረ ስንቱን ላንሳው በልሻ የአንችን
ሁሌም ትገኝያለሽ በመሀከላችን
አይታሰር እጅሽ መስጠት የለመደው
የፈጠነው መልስሽ በቸግር በጉዋዳው
ሳይሰስት በጭራሽ ማጉረስ የለመደው
መለገስ ማልበስ ማስተማር መለያሽነው
ሁሉንም በድርጊት እንዳሳየሽው
ሰው ተሰብስቦ ቤትሽ የደመቀው
ስምሽን በመጥራት ሃዘኑ የጸናው
በመልካሙ ጸባይሽ በስራሽ እኮ ነው
ነብስሽን ደስ እንዳላት አልጠራጠርም
ስብስብ ስላልን ከሩቅም ከቅርብም
እንዲህ የደመቀው የሞቀው ቤትሽ
ፍንትው ብሎ ይውጣ መልካምነትሽ
ከቶ እንዳይረሳ ተቋርጦ ስራሽ
በስምሽ ቆሞ እንድናይ መታሰቢያሽ
አይዘጋ በርሽ መሰብሰቢያ ቤትሽ
ስምሽም ይዘከር በወዳጆችሽ
ለወገን ለዘመድ አለኝታ ነበርሽ
በአብራክሽ ክፋዮች በውድ ልጆችሽ
በሚያስብልሽ በ_አዛኙ ባልሽ
በወርቅ ቀለማት ተጽፏል ስምሽ
በልሻ እህቴ ተተኪ አለሽ
በበጎ ምግባር በመልካምነት
ሰውን አክባረ በጽኑ እምነት
ተጋድለሽ በሰላም አርፈሻል በእውነት
ነፍስሽ ትረፍ በአጸደ ገነት
እመቤቴ ማሪያም የጌታዬ እናት
ከልጅሽ አማልጃት ይህቺን ደግ እህት
ከደጋጎቹ ጎን ነፍሷን እንዲያኖራት።
ከ ጥሩወርቅ (2023)
from
November 4, 2023 at 1:08 pm