How did Belisha touch you?

በልሻን መጀመሪያ ያገኘኋት አይዋ ስቴት ማስተርስ ስንማር ነበር። እዛ ስንማር በስቴቱ ምንም ዓይነት የኢትዮጵያ ኦርቶዶክስ ቤ/ክ አልነበረም። በሳምንት አንድ ቀን ዓርብ ዓርብ የቤ/ክ የሆን ልጆች ተሰብስበን በማሕበረ ቅዱሳን የግቢ ጉባኤ እናካሒድ ነበር። ክሌላ ስቴት የሚያስተምሩንን ትምህርት የምንከታተለው ስልክ ከፍተን ስፒከር ላይ በማድረግ ነበር። የፕሮግራም አስተባባሪው እኔ ብሆንም የሚገርመው ነገር የሚረባ ነጠላ አልነበረኝም። በልሻም በዚህ ፕሮግራም ላይ ከሚሳተፉት ተማሪዎች አንዷ ነበረች። መጀመሪያ ቀን በልሻ ካየችኝ በኋላ በሚቀጥለው ዓርብ ምን የመሰለች ሽሪሚሪ ፣ አራት የመስቀል ጥልፍ ያለባት ነጠላ ጋቢ ሰጠችኝ። ስጦታዋ ቢከብደኝም በጣም ነበር የተደሰትኩት። እርግጠኛ ነኝ ከኢትዮጵያ ስትወጣ በወቅቱ በውድ የገዛችው ወይም ሰው ማስታውሻ ብሎ የሰጣት ነው። ከት/ቤቱ እስክንወጣ ስጠቀምባት ቆይቼ እቤቴም ሁል ጊዜ ከ10 ዓመት በላይ ጸሎት የማደርሰው በሷ ነበር። ብጭቅጭቅ ብላ ልጆቼ ሁሉ ለምን እንደማረጋት ይጠቁኝ ነበር። ሁልጊዜም ያደረገችው ነገር ይገርመኝ ነበር። ከሁላችንም ጋር ተግባቢና የምታስቀን ነበርች። ከበልሻ ጋር በተለይ እዛ ት/ቤት እያለን ሜኔሶታ ስቴት የትንሳኤን በዓል ለማክበር ተሰብስበን ሔደን የማይረሳ ጊዜ አሳልፈናል።
በልሻ (አስካለ ጊዮርጊስ) በዚህ ዓለም ፍሬ እንዴት እንደሚፈራ ጠንቅቃ ያወቀችና ክርስትናን የኖረችው እህታችን ነች። ከአጠገባችን ብትለየንም እንደሷ የክርስትና ፍሬ አፍርቶ ወደ ጌታ ደስታ መግባት በእውነቱ መታደል ነው። አቤንና ልጆቹን እንዲሁም ቤተሰቦቹን ሁሉ ልዑል እግዚአብሔር ይጠብቅልን። የአስካለ ጊዮርጊስን ነፍስ በአጸደ ገነት ያኑርልን የጸሎቷም በረከት ከሁላችን ጋር ይሁን!