How did Belisha touch you?

በልሻ ሳልጠግባት የተለየችኝ ውድ እህቴ ናት :: እኔም በህይወቴ እንደ እርሳ ቤተሰቡን የሚወድ ሰው የማውቅ አይመስለኝም::

ድንቅ እህቴ ጋር እስከዛሬ ያወራሁት ሁሉ በእያንዳንዳ እርምጃ ትዝ ይለኛል:: በጥቂቱ እንሆ::

ከእለታት በአንደኛው ቀን በምሰራበት የግሮሰሪ ስቶር እያለሁ ከፍተኛ የሆነ ስቶርም ይነሳል :: ቨርጂኒያ ላይ መብራት ይጠፋል በወደቁ ዛፎች ምክንያት መንገዶች ይዘጋሉ:: ጊዜው በጣም አስፈሪ ነበር:: ዝናቡም እላቆመም:: ስልክ ራሱ ለተወሰነ ጊዜ መስራት አቆመ:: የምደውልበት አልነበረኝም:: በልሻ ጋር ደወልኩ:: "አቤን ልላከው?" ነበር የመጀመሪያ ጥያቄዋ:: ቢምጣ በወደድሁ ግን አልተቀበልኳትም :: በኔ ህሊና መንገድ ላይ ችግር ቢገጥመውስ የምትሰስተው ሰው ብዬ እምቢ አልኳት:: በልዬ እህቴ እንዳልፈራ አበረታችኝ እና ወደእነርሱ ቤት እንዴትም ደረስኩ:: ለሶስት ቀን አብሬያት ከርሜ አስተናግዳኝ ሁኔታዎች ወደነበሩበት ሲመለሱ እኔም ወደቤቴ ተመለስኩ::

ሰው ሰው ሀገር መጥቶ መድረሻ በጠፉው ሰዓት ምን እንደሚሰማውታውቁት ይመስለኛል:: በልዬ ሰው አለኝ ብዬ በማላስብበት ጊዜ ቤተክርስቲያን አግኝታኝ ነገ እኔ ቢሮ እንድትመጪ ብላ እንደቀልድ ረዳት የሂሳብ ሰራተኛ አድርጋ አስቀጠረችኝ:: ስሜቱ ልዮ ነበር:: ኤሚዬን እርጉዝ ነበረች:: በጣም ልዮ ጊዜ አብረን አሳለፍን::

ከቤትዬ እርግዝና እስከ አሜን ብዙ ደስ የሚሉ ጊዜያትን አሳልፈናል:: ሳቁ የፊቱ ፈገግታ ለአንዲት ደቂቃ የማይለወጥ ሰው ያየሁት አርሷን ነው:: ፍቅር የአምላክ ስጦታ ብቻ ነው ሁሉም ሰው አይሰጠውም:: መስጠትም : እንግዳ መቀበልም ስጦታ ነው:: እርሳ የዚህ ስጦታ ባለቤት ናት:: ቤቷ ሄዶ ሳይጠግብ ሳይስቅ ደስ ሳይለው የሚመለስ አይኖርም:: የዛኔ ሁላችን ሳናገባ ሳንወልድ በነበረ ሰአት በልሻ ቤት ገብተን የፈለግነውን ሰርተን በልተን ጠጥተን ኖረናል:: የሚገርመው በሌም አቤም ሳይኖሩ ቤት ስትሄዱ ቁልፉን ካለበት አውጥተን ቤት ገብተን በልተን ጠጥተን ተኝተን እንወጣለን:: በፍፁም አትሳቀቁም:: አቤን አስነስቼ አበልሻ ጋር ያደርኩበትም ጊዜ አይረሳኝም::

የእናቶች ውይይት በነበረን ግዜ በጣም ልዮ የሆኑ ተሞክሮዎቿን አጋርታናለች:: ብዙ ተምሬባታለሁ :: በልዮ እንደምታጫውተን ሁሉ ለቁም ነገርም የሚደርስባት የለም::

ለሁል ግዜ የማልረሳት ውድ እህቴ የተወችው አሻራ ብዙ ነው:: የሚወራም የማይወራም ብዙ አለ:: በጊዜ ሩጫዋን የጨረሰች መልካም እህቴ በህይወቷም በሞቷም አስተማሪዮ ሆናለች:: ከእህቶች ጋር ስናወራ "በልዮ እንዲህብላ ነበር " የዘወትር ቃላችን ነው:: በህይወቴ ስላወቅኳቸው ከምደሰትባቸው ሰዎች አንዳ በልዮ ዘወትር እናስብሻለን:: እግዚአብሔር የወደደሽ እንደሆንሽ መአዛ ስራሽ ይመሰክራልና እንፅናናለን::