How did Belisha touch you?

እንዴት ነሽ የኔ እናት በልሻዬ እንሆ ከተለያየን ወራቶች አለፉ በአካል ብንለያይም በመንፈስ አሁንም ቅርባችን እንዳለሽ ሁሌም ይሰማኛል።
የኔ እናት ሁሌም እኔን ሀይሚ ልጄ ናት ትያለሽ አቤት እንደዛ ስትይ አቤት ደስታዬ ያንቺ ልጅ መባሉ ለኔ ትልቅ ክብር ነው ።
በልሻዬ የኔ እናት የልጅነት እድሜን ካንቺ ጋር በማሳለፌ አለም ላይ ካሉ እድለኞች አንደኛዋ ነኝ አቤት ፍቅርሽ አቤት እንክብካቤሽ አቤት ምክርሽ ሁሉ ነገርሽ ወደር አይገኝለትም ሁልጊዜም በልጅነቴ አጠገቤ ነበርሽ ፀጉሬን ሰርተሽ አስጠኝተሽኝ ሁሉን አርገሽልኝ አሳድገሽኛል።
በልሻዬ የኔ እናት አንቺ አለሽ ማለት ቤታችን ሙሉ ነው። የትምህርት ቤት ጎደኞችሽ የሰፈር ጐረቤት ሁሉም ቤታችን ይመጣሉ ሁሉንም የትምርት አይነት በተለይ ማትስ ትምርት በጣም ጕበዝ ስለነበርሽ ተራ በተራ እንድታስጠኛቸዉ ወረፋ ይይዛሉ ። ሁል ጊዜም ይገርመኛል ባንቺ ምክንያት ቤታችን በሳቅ በሰው ፍቅር የተሞላ ነበር።
ከዛም ዪኒቨርስቲ ስትገቢ ለኔ ትልቁ የሀዘን ቀን ነበር ምክንያቱም አንቺ የለሽማ ካጠገቤ አንድ ቀን እንኳን ባስ ካመለጠሽ ያለኝ ደስታ እንዴት እንደምናፍቅሽ እንደእንጀራ እንደውሃ ትርቢኝ ትጠሚኝ ነበር። ያ ጊዜ አስካሁን አይረሳኝም አንዳሁን መስሎ ይታየኛል።
በልሻዬ ወደ ውጪ ሀገር ሄደሽ ደሞ ሁሌ በስልክ የምናረጋቸው ንግግሮች ምክሮችሽ ሁሉ ነገሮች ከዉስጤ አይጠፍም። ሁሌም የተሻለ ቦታ እንድደርስ የማታረጊው ጥረት የለም የተለያዬ ስራዋች እንድሰራ ያላረግሽው ጥረት የለም በመጨርሻም ተሳክቶ እውን ሆንዋል።
በልሻዬ ሁሌም ለቤተሰቦችሽ ምታስቢ ምትጨነቂ ነበርሽ ሁሉም ሰው ቢማር ጕበዝ ቢሆን ተምሮም ቆንጆ ውጤት አምጥቶ ጠንክሮ ቢሰራ ትያለሽ ለትምርት ለጥናት ያለሽ አመለካከት ይገርመኛል የሚማር ሰው በጣም ትወጃለሽ ሰው ሲማር ሲያድግ ደስ ይልሻል።
በልሻዬ ካንቺ ብዙ ተምሬያለው ቀና መሆን የተቸገረን መርዳትን ለሰው ማሰብን ቤተሰብን መውደድን ሰው መውደድን ጥንካሬን ባለን ነገር አመስጋኝ መሆን ብርታትን አይበገሬነትን ትእግስትን ፅናትን ፍቅርን ዘርዝሬ ማልጨርሰው ብዙ ነገርን ካንቺ ተምሬያለው።
በልሻዬ አንቺ ማለት ልብሽ ቅን እጅግ በጣም ደግ የተቸገረን ማለፍ ማትችዬ
በልሻዬ አንቺ ማለት ለሰው በጎ ምታስቢ ሰው ሁሉ ከችግር እንዲወጣ በቻልሽ መጠን የምታግዢ ።
በልሻዬ አንቺ ማለት በጣም ቆንጆ ስትስቂ ቤቱ ሞቅ ምታረጊ ፈገግታሽ
የሚያምር ከላይም ከውስጥም ውብ የሆንሽ ነሽ።
በልሻዬ አንቺ ማለት ጨዋታ አዋቂ ከሁሉ ተግባቢ ቁም ነገረኛ ነበርሽ።
በልሻዬ አንቺ ማለት ህመምሽን ደብቀሽ የሰውን ችግር ምትፈቺ
በልሻዬ አንቺ ማለት ምንም ህመምሽን የማታሳይ በውስጥሽ የምትይዢ
በልሻዬ አንቺ ማለት ቤተሰብሽን የምትወጅ ሀሜትን የማታውቂ ንፁህ እናት ነበርሽ።
ለኛም በጥንካሬሽ በብርታትሽ በአይበገሬነትሽ ምንም ችግር ቢመጣ በፅናት ምታልፊውን ሁሌም ለኛ አርአያ ሆነሽ ስናስብሽ ስንዘክርሽ እንኖራለን።
በልዬ ያንቺን እረፍት ሳስበው ሁሌም ለምን ግን እላለሁ አምርሬ አለቅሳለሁ ተስፋ አጣለሁ ግን ደሞ ፈጣሪ ከኛ በላይ ወዶሻልና ብዬ አስባለሁ ደሞም እኛም ነገ ተረኛ እንደሆን ሳስብ አንቺስ መልካም ሰርተሽ ተወደሽ ተፈቅረሽ ወደ አምላክሽ ሄድሽ ወየው ለኛ እላለው።
በልሻዬ ላንቺ ትልቁም ትንሹም ያላዘነ ያላለቀስ ሰው የለም ይህም ምን ያህል በሰው ዘንድ የምትወደጂ በሰው ትልቅ ቦታ ያለሽ እናት ነሽ።
በልሻዬ በመጨረሻ ጊዜያቶች በስልክ ያወራናቸው ሁሉ ሁሌም በልቤ ውሰጥ ይኖራሉ።
ሁሌም የምትዬኝ ሀይሚ ጕበዝ ሁኚ ጠንካራ ሀኚ የምትይኝ ሁሌም በልቤ ይኖራል።
በመጨረሻም ለአብሻዬ ለቤትዬ ለኤምሻ ለሜላትዬ ለቦብሻዬ ለመላው ቤተሰብ መፅናናትን ይስጥልን።
በልሻዬ የኔ እናት የኔ ወርቅ የኔ ሁሉ ነገር የኔ ልዪ ሁሌም እወድሻለው አፈቅርሻለው።
በልሻዬ ነብስሽ በገነት ትረፍ
ያንቺው ሀይሚ